Təranə: "Sosial şəbəkədə təhqir yazanların ailəlikcə fotolarını paylaşıb, üzr istətdirirəm" - VİDEO

Müğənni Təranə Qumral sosial şəbəkədə onu təhqir edənlərə efir vasitəsi ilə xəbərdarlıq mesajı göndərib.

Bizim.Media xəbər verir ki, bu haqda sənətçi qonaq olduğu "Gül kimi şou" verilişində danışıb.

Təranə bildirib ki, ona nalayiq ifadələr yazan şəxsləri və onların ailə üzvlərinin fotolarını sosial şəbəkə səhifəsində paylaşır. Bu yolla isə müğənni onların üzr istəməsinə nail olur:

"Mənə təhqir yazan bir neçə nəfəri sosial şəbəkə səhifəmdə paylaşmışam. Atası, uşağı, ailəsi ilə birgə olan fotolarını paylaşmışam. Dostlarım da girib onların səhifələrinə şərhlərdə onları təhqir edirlər. Bundan sonra başlayırlar yalvarmağa və deyirlər ki, uşağımın səhvidir. Uşağımız bu sözləri sizə yazıb, biz isə başa düşməmişik və görməmişik. Amma mən bilirəm ki, bunları yazan uşaq yox böyüklərdir. Sadəcə məsələnin dərinliyini bilmir ki, Təranə bunun başına oyun açacaq".