Xalq artisti Mənsum İbrahimov oğlu İbrahimdən söz açıb.
Bizim.Media xəbər verir ki, sənətkar qonaq olduğu “Zaurla Günaydın” səhər verilişində 19 yaşlı övladının peşə fəaliyyətindən danışıb.
M.İbrahimov bildirib ki, oğlu 15 yaşında ailədən xəbərsiz ordu sıralarına yazılıbmış:
“Oğlum İbrahimin 19 yaşı tamam oldu. O, ictimai fəaldır. İndidən çalışır ki, dövlət işində çalışsın. Mənim 3 qardaşım “qazidir”. 44 günlük müharibədə “qazi” qardaşımın oğlu İsrafil İbrahimov 30 gün döyüşərək, şəhidlik zirvəsinə ucaldı. Bizim ailəmizdə böyüyən uşaqlar gözlərini açır bunları görür. 15 yaşı vardı əmisi oğlu şəhid olanda, ona kitab həsr etmişdi. Heç birimizin bundan xəbəri olmamışdı.
Hətta İbrahim 15 yaşında gizlin ordu sıralarına yazılmışdı. Dedim ki, zaman gələndə sən də hərbi xidmətə gedəcəksən. Hər şeyin zamanı var. Şuşada ekoloqların sülh çağırışında da iştirak etmişdi. İbrahim qocalar-uşaqlar evinə gedir. Onlara yardım aparır. Mən onun heç bir işinə qarışmamışam. Sadəcə onun bu işlərində dəstək və yardım edirəm”.
Rəşad Əliyev, Bizim.Media
