Aktyor Fərda efirdə yalandan halının pisləşdiyini göstərib, hamını aldatdı – VİDEO

Hazırda oxunan: Aktyor Fərda efirdə yalandan halının pisləşdiyini göstərib, hamını aldatdı – VİDEO

160426

Aktyor Fərda Amin efirdə hamını aldadıb.

Bizim.Media xəbər verir ki, Fərda qonaq olduğu “7 tamam” axşam şousunda qəfil vəziyyətinin ağırlaşdığını bildirib.

Sözügedən verilişdə qonaq olan və doğum gününü qeyd edən “Şip-şirin Elçin” ləqəbi ilə şou-biznesdə məşhurlaşan müğənni Elçin Cəfərov və aparıcı Nanə Ağamalıyeva aktyorun səhhətinin pisləşməsindən həyəcan keçiriblər.
Nanə “Tamaşaçılar bilirlər ki, mən reytinq xətrinə efirimdə belə hadisənin olmasını istəmərəm” deyib, efir rejissorundan proqramın anonsa “çıxmasını” və təcili tibbi yardıma zəng etməsini xahiş edib.

Anons bitdikdən sonra Fərda zarafat etdiyini söyləyib. Arxasında gizlətdiyi “Elçin Cəfərov, ad günün mübarək” yazılı kağızı göstərək müğənnini qucaqlayıb və beləcə doğum gününü təbrik edib.

Verilişin canlı efirində yaşanan həmin hadisəni sizə təqdim edirik:

Rəşad Əliyev, Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.