Müğənni Hiss daha bir layihəsini təqdim edib.
Bizim.Media xəbər verir ki, sənətçi sözləri və musiqisi Rafael və Elmin Təhməz qardaşlarına məxsus “Biology” (“Biologiya”) adlı yeni mahnısını ekranlaşdırıb.
Klipin çəkilişi türkiyəli rejissor İsmail Eren Yalçına həvalə olunub. Çəkilişlər iyulda Türkiyənin turistik şəhəri Antalyada gerçəkləşib. Klip 20 saata lentə alınıb.
“Son günlərdə təqdim etdiyim mahnılar arasında ən sevdiyim bu işim oldu. Çünki sırf mənə yazılmış bir mahnıdır. Mahnı Hissin özündən, keçirdiyi hisslərdən bəhs edir”, - deyə Hiss vurğulayıb.
Qeyd edək ki, mahnını bütün musiqi platformalarında dinləyə bilərsiniz, klipi isə Hissin rəsmi “YouTube” kanalında izləmək mümkündür.
Rəşad Əliyev, Bizim.Media
