Rusiya və MDB ölkələrində məşhurlaşan azərbaycanlı videobloqer Hüseyn Həsənov Qırğızıstana yollanıb.
Bizim.Media xəbər verir ki, səfər çərçivəsində Barselona Futbol Akademiyasının açılışında iştirak edən Hüseyn oradan Qırğızıstan Prezidenti Sadır Japarovla görüşüb.
Qırğızıstanın dövlət başçısı ilə səmimi ünsiyyət yaradan H.Həsənov görüşdən çəkilən foto və görüntüləri sosial şəbəkə hesabında izləyiciləri ilə bölüşüb.
Hüseyn paylaşımına “Qırğızıstan Prezidenti Sadır Japarov ilə görüş. Səmimi qarşıladığınız üçün təşəkkür edirəm. Barselona Futbol Akademiyasının açılışında iştirak etdim.
Üçüncü dəfədir, Qırğızıstandayam və burada hər şeyin yaxşılığa doğru dəyişməsinə çox təəccüblənirəm. Prezidentlə söhbətdən sonra başa düşdüm ki, o, öz ölkəsinin əsl vətənpərvəridir” sözlərini yazıb.
Rəşad Əliyev, Bizim.Media
