Xalq artisti Brilliant Dadaşova gənc həmkarlarını tənqid edib.
Bizim.Media xəbər verir ki, sənətçi qonaq olduğu "Həmin Zaur" axşam şousunda müğənnilərin plastik əməliyyat keçirərək bir-birinə oxşadığını və bu səbəbdən onları tanıya bilmədiyini bildirib.
"Efirə çıxan yeni müğənnilərin heç birini tanımıram. Xanım müğənniləri səhv salıram, çünki hamısı bir-birinə oxşayır. Hamısı uzun saç, burunları kəsilmiş...
Ona görə də, bir-birinə çox oxşayırlar. Qızlar, burunlarınızı kəsdirməyin. Baxın, mən illərdir rejissorlara deyirəm ki, “burnum sınıqdır, məni sağdan deyil, soldan hər zaman çəkin”. Yəni, elə bir rakurs tapın ki, kəsilməmiş burunla efirə çıxasınız", - deyə Brilliant vurğulayıb.
Rəşad Əliyev, Bizim.Media
