Bir neçə aydan sonra ana olacaq müğənni Sevda Yahyayevanın həkim-genetik həyat yoldaşı Zakir Bayramov açıqlaması ilə diqqətləri üzərinə cəmləyib.
Bizim.Media xəbər verir ki, sənətçinin həyat yoldaşı “YouTube”da yayımlanan “Qırmızı” verilişində uşaqlıqdan bəri 5 qız övladını arzuladığını dilə gətirib.
“Həmişə istəmişəm ki, 5 qız övladım olsun. İnşallah, tezliklə bunun həyəcanını, sevincini yaşayacam. Hələ birincisinin…”,- deyə Sevda bildirib.
“Maraqlıdır qız övladınıza hansı adı verəcəksiniz?” sualına Zakirin cavabı belə olub:
“Dünyaya gələcək qız övladımızın adını Sevda qoyub. Demişdim ki, oğlan olarsa ona adı mən qoyacağam. Klassik Azərbaycan adlarını sevirəm. Ərtoğrul adını fikirləşmişdim. Qızımıza adını Sevda qoyub. Dünyaya gəldikdən sonra adını Ayla qoyacağam”, - deyə sənətçinin həyat yoldaşı bildirib.
Qeyd edək ki, S.Yahyayeva dekabr ayında dünyaya gələcəyi qızına Ayla adını verəcəyini açıqlayıb. Müğənni ilə Zakir Bayramov ötən il ailə qurub. Zakir özəl klinikaların birində genetik-laborant olaraq çalışır.
Rəşad Əliyev, Bizim.Media
