Zaurun boşanma ilə bağlı sualı Nigarı əsəbiləşdirdi - VİDEO

“Çox ağıllı qızdır, amma bəzən elə olur ki, insan anlanır. Nigar hər bir şeyə inanandır. Nədənsə müğənniləri çoxları imkanlı görür. Bununla dost olaq, o bizə maddi yardım etsin, amma elə deyil. Hər bir müğənnin öz düşüncəsi var. Kimlə oturub-dura, ünsiyyət qura bilər. Nigarda isə bu sadaladıqlarım alınmadı. Sonrakı peşmançılıq fayda verməz. Lənət şeytana”. 

Bizim.Media xəbər verir ki, bu sözləri “Həmin Zaur” axşam şousunun aparıcısı Zaur Kamal sözügedən verilişdə qonaq olduğu Əməkdar artist Nigar Şabanovaya ünvanlayıb. 

Zaur N.Şabanovanın hərbçi həyat yoldaşı Xəyyam Qaragözovdan ayrılmasına canlı efirdə münasibət bildirib. O bildirib ki, Xəyyam Nigarın saflığından və dürüstlüyündən istifadə edərək, onu aldadıb. 

“Nigar mənim efirimdə idi. Onun keçmiş həyat yoldaşı ona gül çələngi göndərdi. Bunu görüb, Nigara söylədim ki, yaxşıdır. Amma Nigar sosial şəbəkə hesabında yazdı ki, o məndən istifadə etdi  və daha nələr-nələr. Amma Nigar da ağıllı qızdır. Elədiyini edir”. 

Daha sonra gözlənilmədən aparıcının ünvanladığı “O, neçə min pulunu?” sualına müğənni üzündəki gülüş sərt baxışlarla əvəzlənib və Şabanova Kamalın bu haqda danışmamasına “göz-qaş” hərəkətləri ilə işarə vurub.  

Aparıcı müğənninin bu reaksiyasından sonra qalmaqallı söhbəti yarıda dayandırıb. N.Şabanova isə boşanma mövzusuna bu sözlərlə nöqtə qoyub:

“Təəssüf ki, bəzi gənclərimiz ailəyə məsuliyyətsiz yanaşırlar, sıradan baxırlar. Amma özünə hörmət edən oğullarımız da çoxdur. Qəlbim daş deyil, ola da bilməz. Heç kimə pislik edə bilmərəm. Bu günə kimi etməmişəm, etmərəm də”. 
Qeyd edək ki, Nigar Şabanova müsahibələrin birində “Onun peşəsinə hörmət etdiyim üçün işindən ayrılmağını istəmirəm. Əlimdə elə dəlillər var ki... Yaşadığımı heç bir qadına arzulamıram. Yaşadığım 2 ili Allah heç kimin övladına yaşatmasın. Onun illərini verdiyi peşə var, hörmət olaraq susuram” açıqlaması ilə gündəmə səs salmışdı. 

Rəşad Əliyev, Bizim.Media