Bu ölkədə benzin KƏSKİN BAHALAŞDI

ABŞ-da benzinin 1 qallonu 2022-ci ilin avqust ayından bəri ilk dəfə olaraq 4 dollardan çox bahalaşıb.

Bizim.Media xəbər verir ki, bu barədə ABŞ Avtomobil Assosiasiyasının məlumatında deyilir.

Bildirilir ki, ölkə üzrə benzinin 1 qallonunun pərakəndə satış qiyməti 4,02 dollara yüksəlib.

Yaxın Şərqdəki münaqişənin başlanğıcından bəri ABŞ-da benzin qiymətləri 1 dollardan çox artıb.

ABŞ və İsrailin İrana hücumlarından bir gün əvvəl Birləşmiş Ştatlarda benzinin 1 qallonunun qiyməti 2,98 dollar idi.

Ekspertlərə görə, ABŞ-da benzin qiymətlərinin 1 dollar artması, digər iqtisadi təsirlər nəzərə alındıqda belə, istehlakçı etimad indeksini 4,5 bənd və ya daha çox aşağı salır.

Həmçinin qiymətlərinin 1 dollar artması ilə insanların iqtisadiyyata baxışı təxminən 5 faiz pisləşir.

Qeyd edək ki, ABŞ xam neftinin bir barelinin qiyməti 2022-ci ildən bəri ilk dəfə olaraq 100 dollardan çox artıb.

Həmçinin ABŞ-ın neft etalon indeksi mart ayında 50 faizdən çox artaraq 2020-ci ilin may ayından bəri ən böyük artımı qeydə alıb.

Bu artım benzin və dizel yanacağı kimi istehlak mallarında daha çox özünü göstərir.

Belə ki, dizelin 1 qallonunun qiyməti 5,4 dollardan yuxarı qalxıb və bu da ümumi iqtisadiyyat üçün ciddi problem yaradıb.

Bizim.Media