Ötən il neçə nəfər işlə TƏMİN OLUNUB?

2025-ci il ərzində 189,4 min nəfər münasib işlə təmin edilib, 18,4 min nəfər peşə hazırlığı kurslarına, 16,8 min nəfər özünüməşğulluq proqramına cəlb olunub, 10,8 min nəfərə isə işsizlikdən sığorta ödənişi təyin olunub.

Bizim.Media xəbər verir ki, bu, Nazirlər Kabinetinin 2025-ci ildə fəaliyyəti haqqında hesabatında əks olunub.

Hesabatda vurğulanıb ki, 2025-ci il ərzində ümumilikdə 18,4 min nəfər peşə hazırlığına cəlb olunub və peşə hazırlığını bitirənlərdən 61,4%-i işlə təmin olunub.

Peşə hazırlığına cəlb olunanlardan qadınların sayı 11,8 min nəfər, gənclərin sayı (14-29 yaş arası) 9,5 min nəfər, əlilliyi olan şəxslərin sayı 487 nəfər, keçmiş məcburi köçkünlərin sayı 1,4 min nəfər, cəzaçəkmə müəssisəsindən azad olunmuş şəxslərin sayı 52 nəfər, müharibə iştirakçılarının sayı 332 nəfər, şəhid ailəsi üzvlərinin sayı 4 nəfər təşkil edib. 

Günay Şahmar, Bizim.Media