Bp-nin əməliyyatçısı olduğu Bakı-Supsa ( Qərb İxrac Boru Kəməri) vasitəsilə nəql olunan Azəri-Çıraq-Günəşli (AÇG) nefti yüklənmiş 1000-ci tanker Qara dəniz sahilindəki Supsa terminalından yola salınıb.
Bizim.Media xəbər verir ki, bu barədə bp məlumat yayıb.
Bildirilib ki, İtaliyaya yola düşən “Stamos” adlı 1000-ci tankerə AÇG yatağından hasil olunmuş və Səngəçal terminalından başlayaraq Azərbaycan və Gürcüstan ərazisi boyunca təhlükəsiz şəkildə nəql edilmiş 650 000 barel xam neft yüklənilib.
Qeyd edək ki, Bakı-Supsa boru kəməri 1999-cu ildə istismara verilib. İndiyədək 700 milyon bareldən çox neft nəql edib. Boru kəmərinin hazırkı ixrac həcmi gündəlik 100 min barel təşkil edir.
Bakı-Subsa boru kəmərinin ümumi uzunluğu 829 km-dir. Onun 456 km Azərbaycandan, 373 km-i isə Gürcüstandan keçir.
Xatirə, Bizim.Media
- A-
- A
- A+
İqtisadiyyat
12:56 / 30.11.2021
Azərbaycan nefti yüklənən 1000-ci tanker İtaliyaya yola salındı
Hazırda oxunan: Azərbaycan nefti yüklənən 1000-ci tanker İtaliyaya yola salındı
Hazırda oxunan: Azərbaycan nefti yüklənən 1000-ci tanker İtaliyaya yola salındı
48349
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
