Milli Məclisdə əkin təyinatlı olub, lakin əkinə yararsız olan torpaqların turizm təyinatı torpaqlara dəyişdirilməsi təklif olunub.
Bizim.Media xəbər verir ki, bu təkliflə deputat Vasif Qafarov Milli Məclisin növbədənkənar sessiyasının sonuncu iclasında çıxış edib.
O, bildirib ki, sahibkarlar torpaq təyinatı ilə bağlı problemlərlə qarşılaşırlar:
“Cənub bölgəsi turizm bölgəsidir və burada turist axını var. Bu sahədə hazırda sahibkarların qarşılaşdığı problem torpaq təyinatı ilə bağlıdır. Təklif edirəm ki, əkinə yararsız torpaqların siyahısı hazırlansın.
Əkin torpağı kimi qeyd olunan belə torpaqlara turizm təyinatı verilsin. Bu dəyişiklik tamamilə mümkündür. Belə olduqda əhali üçün də gəlir mənbəyi yenilənər”.
Günay Şahmar, Bizim.Media
