Laszlo Vasa: “Bakıda keçiriləcək COP29 dünyanı düzgün yola qaytarmağı hədəfləyir” - ÖZƏL

Hazırda oxunan: Laszlo Vasa: “Bakıda keçiriləcək COP29 dünyanı düzgün yola qaytarmağı hədəfləyir” - ÖZƏL

179331

“COP-29 zamanı qlobal iqlimin mühafizəsi üzrə ən mühüm aktorlar, ekspertlər, rəsmilər və fəallar Azərbaycana səfər edəcəklər. Bu Azərbaycan universitetləri və peşəkar sferası üçün dünya ictimaiyyəti ilə əlaqələr qurmaq üçün əvəzolunmaz fürsətdir”.

Bu fikirləri Bizim.Media-ya açıqlamasında Macarıstan Xarici Əlaqələr və Ticarət İnstitutunun professoru, politoloq Laszlo Vasa deyib.

“100 min iştirakçı ölkələrinə xoş təəssüratla qayıdarsa...”

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29-un Azərbaycanda keçirilməsinin əhəmiyyətindən danışan macar analitik, Bakının beynəlxalq tədbirlərə ev sahibliyi təcrübəsindən və sözügedən tədbirin əhəmiyyətindən danışıb.

“Tədbir zamanı qurulan əlaqələr nəticəsində Azərbaycan akademik sferası növbəti səviyyəyə yüksələ bilər. Bütün bunlara əlavə olaraq, noyabr ayında Azərbaycana yönələn bilik axını Bakı üçün ətraf mühitin mühafizəsi və dairəvi iqtisadiyyat layihələri üçün sənayedə ən yaxşı həllər və texnologiyalar əldə etmək üçün əla fürsətdir.

Bundan əlavə, əgər hər şey qaydasında getsə və 100.000 iştirakçı evlərinə xoş hisslərlə qayıdarsa, onlar ölkənin və onun əhalisinin mehribanlığını və qonaqpərvərliyini təbliğ edəcəklər ki, bu da növbəti illərdə Azərbaycana gələn turistlərin sayının artması ilə nəticələnə bilər”, - deyə L.Vasa qeyd edib.

“COP29 region üçün yeni üfüqlər açacaq”

COP tədbirinin dünya üçün xüsusi əhəmiyyət kəsb etdiyini qeyd edən analitik, sürətlə dəyişən iqlim proseslərinin Bakıda müzakirə olunmasının Orta Asiya regionu üçün də yeni üfüqlər açacağını qeyd edib.

“2024-cü il BMT-nin İqlim Dəyişikliyi Konfransı dayanıqlı inkişaf məqsədlərinə nail olmaqda mühüm rolu olan BMT-nin iqlim tədbiridir. İqlim tədbirləri və davamlı inkişafa diqqət yetirməklə, COP29 daha möhkəm və ədalətli dünya yaratmağı hədəfləyir. Buraya Tərəflər Konfransının 29-cu sessiyası (COP29), Kioto Protokolunun Tərəflərinin Müşavirəsi kimi fəaliyyət göstərən ÇNL-in 19-cu iclası (CMP19) daxil olacaq.

Elmi və Texnoloji Məsləhət üzrə və Tətbiq üzrə Köməkçi Qurumun (SBI 61) 61-ci sessiyaları da COP çərçivəsində keçiriləcək. COP29, sələfləri kimi, qlobal istiləşməni məhdudlaşdırmaq, iqlim dəyişikliyinin təsirlərinə uyğunlaşmaq və bu fəaliyyətlər üçün maliyyəni səfərbər etmək səyləri də daxil olmaqla, bir çox məqamlara aydınlıq gətirəcək. COP29 dünyanı düzgün yola qaytarmaq və ətraf mühitlə bağlı hədəflərə çatmaq üçün dövlətləri məsuliyyətə cəlb etmək üçün böyük şansdır”, - deyə L.Vasa əlavə edib.

Tehran Orucoğlu, Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO