Taxıl dəhlizi ilə daşınmış məhsulun HƏCMİ

Hazırda oxunan: Taxıl dəhlizi ilə daşınmış məhsulun HƏCMİ

146410

Təxminən bir il ərzində Qara dəniz taxıl dəhlizi vasitəsilə Ukrayna limanlarından 32,8 milyon ton kənd təsərrüfatı məhsulu ixrac olunub.

Bizim.Media xəbər verir ki, bunu BMT əlaqələndiricisinin ofisindən bildiriblər.

Məlumata görə, hazırda təşəbbüs çərçivəsində yalnız bir gəmi Odessa limanında taxılla yüklənir.

BMT-də xatırladıblar ki, taxıl sazişinin müddəti iyulun 17-də başa çatır. İştirakçıların (Rusiya, Ukrayna, Türkiyə, BMT) razılığı olacağı təqdirdə saziş öz fəaliyyətini davam etdirəcək.

Taxıl dəhlizi ilə üç qitənin 45 ölkəsinə taxıl və digər ərzaq məhsulları ixrac edilib. Onun 46 faizi Asiyaya, 40 faizi Qərbi Avropaya, 12 faizi Afrikaya çatdırılıb.

Xatırladaq ki, 2022-ci il iyulun 22-də İstanbulda Ukrayna taxılının, habelə Rusiyanın aqrar məhsullarının və gübrəsinin beynəlxalq bazara çatdırılması üzrə sənədlər paketi imzalanıb.

Razılaşma ilkin olaraq 120 gün müddətinə nəzərdə tutulub və sonradan bir neçə dəfə uzadılıb.

Bizim.Media