Azərbaycanda quruda neft yatağının bərpası üzrə PLAN HAZIRLANIR

Azərbaycanda quruda neft yatağının bərpası üzrə PLAN HAZIRLANIR

Hazırda oxunan: Azərbaycanda quruda neft yatağının bərpası üzrə PLAN HAZIRLANIR

130484

Azərbaycan Dövlət Neft Şirkəti (SOCAR) "Zərdab" quruda neft yatağının istismarının bərpası üzrə tədbirlər planı hazırlayır.

Bizim.Media xəbər verir ki, bu barədə şirkətin məlumatında bildirilir.

Məlumatda qeyd olunur ki, "Muradxanlı" və "Cəfərli" yataqlarında istismar işləri davam etdirilir. "Zərdab" yatağında istismar işləri aparılmır".

SOCAR-da qeyd edildiyi kimi, hazırda "Muradxanlı" və "Cəfərli" yataqlarında ümumilikdə 25 quyu istismar olunur və neft hasilatı gündəlik 32 ton təşkil edir.

Qeyd edək ki, "Muradxanlı","Cəfərli" və "Zərdab" yataqlarının ümumi sahəsi 642,2 kvadrat kilometr təşkil edir və müqaviləyə əsasən reabilitasiya və kəşfiyyat ərazilərinə bölünüb.

"Muradxanlı-Cəfərli-Zərdab" bloku Azərbaycanın İmişli rayonunun Yevlax-Ağcabədi neft-qaz bölgəsində yerləşir. Müqavilə sahəsinə daxil olan "Muradxanlı" yatağı 1971-ci ildə, "Cəfərli" 1984-cü ildə, "Zərdab" isə 1981-ci ildə işə salınıb.

Quruda "Muradxanlı","Cəfərli" və "Zərdab" neft yataqları blokunun hasilat bölgüsü, bərpası, işlənməsi və kəşfiyyatı haqqında müqavilə 2016-cı ilin martında "Zenith Energy" və "SOCAR" arasında imzalanıb. Müqavilə çərçivəsində hasilat 2016-cı ilin avqustunda başlayıb.

2020-ci ilin noyabrında "Zenith Energy Ltd." SOCAR ilə müqavilənin qüvvədən düşdüyünü bildirib.

Yataqlar hazırda SOCAR "Azneft" İstehsalat Birliyinin balansındadır və Əli Əmirov adına Neftqazçıxarma İdarəsinin Muradxanlı neftqazçıxarma kompleksi tərəfindən istismar olunur.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO