Türkiyədə zəlzələnin iqtisadi ziyanı 100 milyard dolları keçəcək - BMT

Hazırda oxunan: Türkiyədə zəlzələnin iqtisadi ziyanı 100 milyard dolları keçəcək - BMT

124279

Fevralın 6-da Türkiyə və Suriyada baş verən zəlzələlərin iqtisadi ziyanı təkcə Türkiyə Respublikasında 100 milyard dolları keçəcək.

Bizim.Media xəbər verir ki, bunu Cenevrədə Birləşmiş Millətlər Təşkilatının İnkişaf Proqramının (BMTİP) Türkiyədəki daimi nümayəndəsi Luiza Vinton deyib.

"Qiymətləndirmə hələ də davam edir və Aİ donorlarının martın 16-da Brüsseldə keçirilməsi planlaşdırılan konfransında başa çatması gözlənilir, lakin zərərin 100 milyard dollardan çox olacağı artıq aydındır" deyə o, qeyd edib.
Vinton aydınlaşdırıb ki, bu təxmin yalnız Türkiyəyə aiddir. BMT nümayəndəsinin sözlərinə görə, zəlzələ nəticəsində 600 mindən çox mənzil və ofisin yerləşdiyi 200 mindən çox bina dağılıb.

Fevralın 6-da Türkiyənin cənub-şərqindəki Kahramanmaraş vilayətində 7,7 və 7,6 bal gücündə zəlzələlər 9 saatlıq fasilə ilə baş verib. Yüzlərlə zəlzələdən sonra baş verən yeraltı təkanlar Suriya da daxil olmaqla ölkənin 11 əyalətində və qonşu dövlətlərdə hiss olunub.

Bizim.Media