Martın 9-da “Bakı Hərrac Mərkəzi” MMC-də ləğv prosesində olan “AG Bank”, “Amrahbank” və “Gəncəbank” ASC-lərin daşınmaz əmlaklarının satışı üzrə açıq hərrac keçiriləcək.
Bizim.Media xəbər verir ki, bu barədə bankların ləğvedicisi - Azərbaycan Əmanətlərin Sığortalanması Fondu (ADIF) məlumat yayıb.
Bildirilir ki, söhbət “AG Bank”a məxsus Bakı şəhəri, Xəzər rayonu, Buzovna qəsəbəsi, Viktor Seryogin küçəsi, 1 ünvanında yerləşən 453,2 kvadratmetrlik fərdi yaşayış sahəsindən, “Amrahbank”a məxsus Bakı şəhəri, Nəsimi rayonu, Moskva prospekti, 46 ünvanında yerləşən 38,9 kvadratmetrlik mənzildən, eləcə də “Gəncəbank”a məxsus Gəncə şəhəri, Nizami rayonu, Atatürk prospekti, 254 ünvanında yerləşən 72 kvadratmetrlik mənzildən gedir.
Əmlaklara müvafiq olaraq 220 min manat, 50 min manat və 180 min manat qiymət qoyulub.
Xatırladaq ki, “AG Bank”ın lisenziyası 2020-ci ilin mayın 12-dən, “Amrahbank”ın lisenziyası 2020-ci ilin aprelin 28-dən, “Gəncəbank”ın lisenziyası isə 2016-cı ilin yanvarın 22-dən ləğv olunub.
Bizim.Media
- A-
- A
- A+
İqtisadiyyat
07:29 / 23.02.2023
Azərbaycanda ləğv prosesində olan bankların əmlakları satışa çıxarıldı
Hazırda oxunan: Azərbaycanda ləğv prosesində olan bankların əmlakları satışa çıxarıldı
Hazırda oxunan: Azərbaycanda ləğv prosesində olan bankların əmlakları satışa çıxarıldı
122023
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
