“ASAN xidmət”x9din səlahiyyətləri artırılmalı, elektronlaşma genişlənməlidir”x9d

Nazirlər Kabinetinin 9 ayın yekunlarına həsr edilən toplantısında prezident İlham Əliyevin ölkədəki mövcud sahibkarlıq mühiti, iqtisadiyyatdakı inhisarçılıqla bağlı səsləndirdiyi kəskin tənqidi fikirlər artıq bir neçə gündür ki, cəmiyyətdə ciddi müzakirə mövzusuna çevrilib. Çıxışında iqtisadiyyatdakı bütün əsas problemlərə toxunan ölkə başçısının sahibkarların süni şəkildə sıxışdırılması, ədalətli rəqabət mühtinin olmaması, sahibkarlıqla məşğul olan məmurların öz səlahiyyətlərindən istifadə edərək digər sahibkarlara təzyiq göstərməsi ilə bağlı səsləndirdiyi fikirlər, bu cür neqativ tendensiyalara səbəb olanlara ünvanladığı xəbərdarlıq bu sahədə vəziyyətin dəyişəcəyi ilə bağlı gözləntilərə səbəb olub.

Maraqlıdır, İ.Əliyevin məlum çıxşından sonra sahibkarlıq mühitində hansısa dəyişikliyə şahid olmaq, iqtisadi sektorda vəziyyətin qismən də olsa yaxşılaşmasını müşahidə etmək mümkün olacaqmı?

Məsələ ilə bağlı Moderator.az saytı və “Hürriyyət”x9d qəzetinə açıqlama verən İqtisadi və Sosial İnkişaf Mərkəzinin rəhbəri, iqtisadçı- alim Vüqar Bayramov ölkə başçısının mövcud problemlərdən xəbərdar olmasının özünü müsbət hal hesab etdiyini vurğuladı:

“Bu çıxış hər şeydən öncə onu göstərdi ki, ölkə başçısı sahibkarların üzləşdiyi problemlərdən xəbərdardır. Təbii ki, bu sahədəki problemlərin ən yüksək səviyyədə səsləndirilməsi və ölkə prezidentinin bu problemlərin həlli ilə bağlı tapşırıqlar verməsi bu cür düşünməyə əsas verir ki, sahibkarları narahat edən problemlər aradan qaldırılacaq. Ölkə başçısının məlum çıxışı bu cür düşünməyə ümid verir. Həmin çıxışda prezident praktiki olaraq sahibkarlaırn qarşılaşdığı bütün problemləri qeyd etdi. Vurğuladı ki, bu problemlərin təcili həlli həyata keçirilməlidir. Bu, göstərir ki, sahibkarların üzləşdiyi problemlərin həlli istiqamətində müvafiq addımlar atılacaq”x9d.

V.Bayramovun sözlərinə görə, sahibkarlıq mühitinin yaxşılaşması, sahibkarların problemlərinin həlli üçün “ASAN xidmət”x9din səlahiyyətlərinin artırılmasına, elektronlaşmanın genişlənməsinə ehtiyac var: “Sahibkarların üzləşdiyi problemlərin həlli üçün elektronlaşmanın genişlənməsini, habelə müxtəlif dövlət qurumlarının səlahiyyətinin “ASAN xidmət”x9də verilməsini zəruri hesab edirəm. Ölkə başçısının müvafiq fərmanı ilə lisenziyaların “ASAN xidmət”x9d tərəfindən verilməsinə qərar verildi ki, bu da sahibkarların qarşılaşdıqları problemlərin həlli baxımından mühüm addımdır. Hesab edirəm ki, bu prosesin davam etdirilməsinə ehtiyac var. Lisenziyaların sayınn azaldılması zəruridir. Lisenziyaların sayının azaldılması ilə yanaşı lisenziyaların sadələşdirilməsi və “ASAN xidmət”x9d tərəfindən təqdim edilməsinə ehtiyac var. Əgər bütün bunlar “ASAN xidmət”x9də verilərsə, bu, şəffaflığı təmin etməklə yanaşı, sahibkarların işini də əhəmiyyətli dərəcədə yüngülləşdirər”x9d.

Ekspertin qənaətincə, Dövlət Gömrük Komitəsinin bəzi səlahiyyətləri də alınaraq “ASAN xidmət”x9də verilməlidir. Hansı ki, bu, idxal-ixrac əməliyyatlarının daha çevik və problemsiz həllinə imkan yaradar:

“Dömrük Gömrük Komitəsinin xidmətlərinin mərhələli şəkildə “ASAN xidmət”x9də verilməsinə ehtiyac var. Bu sahədə elektronlaşmanın tətbiqi və bunun ASAN xidmətə verilməsi sahibkarlar üçün geniş imkanlar açır. Bu, sahibkara imkan verir ki, “ASAN xidmət”x9də müraciət edib lazımi ödənişi həyata keçirməklə idxal və ixrac əməliyyatlarını reallaşdırsın. Bu cür addımların atılması islahatların yeni mərhələsinin başlamasına gətirib çıxarda bilər”x9d.

V.Bayramovun sözlərinə görə, sahibkarların fəaliyyətini yoxlayan qurumlar üzərində nəzarətin artırılması da bu sahədə həyata keçirilməsi gərəkən vacib tədbirlərdən biridir:

 “Sahibkarların fəaliyətini yoxlayan əlaqədar dövlət qurumlarının fəaliyyətinə nəzarətin gücləndirilməsinə, qanunun pozanların sərt şəkildə cəzalandırılmasına ehtiyac var. Habelə, sahibkarla dövlət qurumlarının əlaqədar şəxsləri arasında ünsiyyətin minimuma salınmasını əmin etmək lazımdır. Elektronlaşma virtual ünsiyyət formalaşdıracaq, birbaşa təmasın qarşısını alacaqdır. Bu isə öz növbəsində korrupsiya və bürokratik əngəllərin aradan qalxmasına yardımçı olacaq. Ona görə də “ASAN xidmət”x9din səlahiyyətinin artırılması və elektronlaşma prosesinin genişlənməsi bu sahədəki problemlərin mərhələli şəkildə aradan qaldırılmasına xidmət edə bilər. Bu səbəbdən də elektron xidmətdən daha çox istifadənin, “ASAN xidmət”x9din səlahiyyətlərinin artırılmasının tərəfdarıyıq. Yalnız bununla sahibkarların üzləşdikləri problemləri həll etmək, onları aradan qaldırmaq mümkündür”x9d.

Seymur Əliyev