Əfsanəvi futbolçu Bakıda futbol məktəbinin qonağı oldu - FOTO

Əfsanəvi qanalı futbolçu, "Sabah"ın keçmiş oyunçusu Maykl Essyen Bakı klubunun akademiyasının qonağı olub.

Bizim.Media klubun saytına istinadən xəbər verir ki, ulduz futbolçu U-10 və U-12 komandalarının Bakı Olimpiya Stadionunda keçirilən məşqinə gələrək, azyaşlı futbolçulara sürpriz edib.

Görüş zamanı Essyen akademiyanın üzvlərinin suallarını cavablandırıb, onlara futbolda uğur qazanmaq üçün öz məsləhətlərini verib.

Daha sonra azyaşlı futbolçular arasında əyləncəli yarış keçirilib. Yarışın qalibi olan akademiyanın 2 futbolçusuna Essyenin imzalı forması hədiyyə edilib.

Bizim.Media