Almaniyanın paytaxtı Berlində keçirilən şahmat FIDE Qran-prisinın III mərhələsində bu gün yarımfinal qarşılaşmaları oynanılacaq.
Bizim.Media xəbər verir ki, azərbaycanlı qrossmeyster Şəhriyar Məmmədyarov ABŞ təmsilçisi Hikaru Nakamura ilə üz-üzə gələcək.
Digər yarımfinal görüşü iranlı Amin Tabatabayi ilə ABŞ-ın digər şahmatçısı Uesli So arasında olacaq. Görüşlər Bakı vaxtı ilə saat 17:00-da başlanacaq.
Əsasnaməyə görə, yarımfinal və final da iki oyundan, ehtiyac yaranarsa, tay-breykdən ibarət olacaq.
Qran-pri iştirakçıları reytinq xalları da əldə edəcəklər. Qalib şahmatçı 13 xal, finalçı 10 xal, yarımfinalda uduzanlar 7 xal, qruplarda 2-ci yerin sahibləri 4 xal, 3-cü pilləni tutanlar 2 xal alacaqlar. Qrup sonuncularına isə xal verilməyəcək.
Qeyd edək ki, FIDE Qran-prisinin III mərhələsinə aprelin 4-də yekun vurulacaq. Turnirin ümumi mükafat fondu 150 000 avrodur. Şəhriyar Məmmədyarov Serbiyanın paytaxtı Belqraddakı II mərhələdə D qrupunda bütün görüşlərini heç-heçə ilə başa vurub və yarımfinala yüksələ bilməyib.
Hər şahmatçı Qran-prinin yalnız iki mərhələsinə qatıla bilər. Ümumi hesabda ən yaxşı iki qrossmeyster İddiaçılar Turnirində iştirak hüququ əldə edəcək.
Bizim.Media
![Şəhriyar Məmmədyarov yarımfinalda ABŞ şahmatçısı ilə qarşılaşır Şəhriyar Məmmədyarov yarımfinalda ABŞ şahmatçısı ilə qarşılaşır](https://bizim.media/file/articles/2022/03/30/1648620463_3000.jpg)
- A-
- A
- A+
İdman
10:06 / 30.03.2022
Şəhriyar Məmmədyarov yarımfinalda ABŞ şahmatçısı ilə qarşılaşır
Hazırda oxunan: Şəhriyar Məmmədyarov yarımfinalda ABŞ şahmatçısı ilə qarşılaşır
Hazırda oxunan: Şəhriyar Məmmədyarov yarımfinalda ABŞ şahmatçısı ilə qarşılaşır
67052
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.