“Barselona” klubu Robert Levandovskini komandada saxlamaqda maraqlıdır.
Bizim.Media xəbər verir ki, Kataloniya təmsilçisi Levandovskiyə yeni müqavilə təklif etməyə hazırdır.
Ancaq klub futbolçunun hazırda ən yüksək maaş alan oyunçulardan biri olduğunu nəzərə alaraq əməkhaqqının ciddi şəkildə azaldılmasını tələb edir.
Məlumata görə, baş məşqçi Hansi Flik Levandovskinin fədakarlığından və məhsuldarlığından (186 oyunda 116 qol) son dərəcə razıdır. Flik və idman direktoru hesab edirlər ki, avqustda 38 yaşı tamam olacaq forvardın təcrübəsi əvəzsizdir. Yeni layihədə ona əsasən rotasiya oyunçusu rolu verilməsi və gənc futbolçuların inkişafına töhfə göstərməsi planlaşdırılır.
Klub Levandovskinin maaşından qənaət ediləcək vəsaiti heyətin gücləndirilməsinə yönəltmək niyyətindədir. “Barselona”nın yay transfer pəncərəsində əsas prioriteti isə elit səviyyəli yeni hücumçu almaqdır.
Qeyd edək ki, polşalı forvard bu mövsüm bütün turnirlərdə 27 oyuna çıxıb, 12 qol və 3 məhsuldar ötürmə ilə yadda qalıb.
Bizim.Media
