Millinin etirazı təmin olundu - Məşq stadionu dəyişdirildi

Afrika Millətlər Kubokunun həlledici qarşılaşması ərəfəsində təşkilatçılar finalçılardan birinin etirazını nəzərə alıblar.

Bizim.Media xəbər verir ki, Seneqal millisinin final oyununa hazırlıq üçün məşq şəraiti ilə bağlı etdiyi şikayət təmin olunub.

Komanda əvvəlcədən onlara ayrılmış "VI Məhəmməd" kompleksində məşq etməkdən imtina edib. Seneqal tərəfi bu qərarını həmin bazada bazar günü finaldakı rəqibləri olan ev sahibi Mərakeş yığmasının məskunlaşması ilə əsaslandırıb.

Məlumata görə, ədalət prinsiplərini qorumaq məqsədilə yığma bu şənbə günü məşqlərini "Mulay Abdulla" stadionunun köməkçi meydançasında keçirəcəklər.

Bizim.Media