“Spartak Moskva” rəhbərliyi klubun yeni baş məşqçisi vəzifəsinə ispaniyalı Xuan Karlos Karsedonun namizədliyini təsdiqləyib.
Bizim.Media Rusiya mətbuatına istinadən xəbər verir ki, 52 yaşlı mütəxəssis 2023-cü ilin yayından bəri “Pafos”un baş məşqçisidir.
Bu dövrdə onun rəhbərliyi altında klub Kipr çempionu olub və Kipr Kubokunu qazanıb.
Əgər Moskva klubu “Pafos”la transfer məsələsində razılığa gələ bilsə, məşqçi “Spartak”ı idarə edəcək.
“Spartak” son baş məşqçisi serbiyalı Deyan Stankoviç idi. Onun gedişindən sonra isə kluba müvəqəti olaraq Vadim Romanov başçılıq edirdi.
Rəşad Rafiqoğlu, Bizim.Media
