"Mançester Siti"nin cinah hücumçusu Jeremi Doku zədə səbəbindən cari il üçün mövsümü başa vurub.
Bizim.Media xəbər verir ki, bu barədə klubun baş məşqçisi Xosep Qvardiola məlumat verib.
Mütəxəssis belçikalı futbolçunun bərpa prosesinin təxminən iki-üç həftə çəkəcəyini bildirib.
Həmçinin futbolçunun yalnız yanvarın 1-də "Sanderlend"lə keçiriləcək matçda heyətdə yer ala biləcəyini söyləyib.
Qeyd edək ki, bu mövsüm Doku "Mançester Siti"nin heyətində 22 oyuna çıxaraq 3 qol vurub və 6 məhsuldar ötürmə ilə yadda qalıb. Hazırda 34 xalı olan "şəhərlilər" turnir cədvəlində 2-ci pillədə qərarlaşıb və lider "Arsenal"dan cəmi 2 xal geri qalır.
Bizim.Media
