Braziliyanın “Botafoqo” klubu “Qarabağ”ın yarımmüdafiəçisi Pedro Bikalyodan əl çəkmir.
Bizim.Media yerli mətbuata istinadən xəbər verir ki, A Seriyası klubu 24 yaşlı futbolçu üçün Azərbaycan çempionunun qapısını yeni təkliflə döyməyə hazırlaşır.
“Botafoqo” daha əvvəl sonradan transfer etmək şərtilə onu icarəyə götürməyi planlaşdırırdı. Lakin ağdamlılar bu təklifi müsbət cavablandırmayıb.
Heyətində köklü islahatlar aparan Braziliya klubu yeni mövsümə iddialı başlamaq niyyətindədir.
“Botafoqo”nun orta sahə üçün düşündüyü ən önəmli sima məhz Bikalyodur. Buna görə də “sambaçılar” bu dəfə Pedronun birdəfəlik transferi üçün müəyyən məbləğ təklif edəcək. Təklif ürəkaçan olarsa, “Qarabağ” oyunçusunun yanvarda transferinə razılıq verəcək.
Qeyd edək ki, “Qarabağ”a mövsümün əvvəlində “Palmeyras”dan keçən Pedro Bikalyonun Ağdam klubu ilə müqavilə müddəti 2028-ci ilin yayına qədərdir.
Bizim.Media
- A-
- A
- A+
İdman
10:49 / 16.12.2025
Braziliya klubu “Qarabağ”ın legioneri üçün TƏKLİF GÖNDƏRƏCƏK
Hazırda oxunan: Braziliya klubu “Qarabağ”ın legioneri üçün TƏKLİF GÖNDƏRƏCƏK
Hazırda oxunan: Braziliya klubu “Qarabağ”ın legioneri üçün TƏKLİF GÖNDƏRƏCƏK
585779
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
