Nəriman Axundzadə “Qarabağ”dan GEDİR?

“Qarabağ” qış “transfer pəncərəsi” çərçivəsində Nəriman Axundzadə ilə yollarını ayıra bilər.

Bizim.Media xəbər verir ki, bu ilin martında gənc hücumçunu heyətinə qatmaq istəyən “Molde” yenidən hərəkətə keçib.

Norveç təmsilçisi futbolçu üçün 2 milyon avro ödəmək niyyətindədir.

İş orasındadır ki, “köhlən atlar” Nəriman üçün qarşı tərəfdən 2,5 milyon avro tələb edir.

“Qarabağ” bu qiymətdə güzəşt edilməyəcəyini hələ iki ay əvvəl menecerlerə çatdırıb.
Qeyd edək ki, Nərimanın “Qarabağ”la müqaviləsinin müddəti 2028-ci ilin yayında başa çatacaq.

“Transfermarkt”a görə, futbolçunun bazar dəyəri 2 milyon avrodur.

Bizim.Media