“Arsenal” klubu “Yuventus”un gənc türk hücumçusu Kenan Yıldızı heyətinə qatmaq məqsədilə fəaliyyətini gücləndirib.
Bizim.Media xəbər verir ki, İngiltərə təmsilçisi futbolçu ilə bağlı “Yuventus”un tələblərini öyrənmək üçün artıq klubla ilkin əlaqə yaradıb.
London klubu Kenan Yıldızı 2026-cı ilin prioritet transfer hədəfi kimi müəyyənləşdirib.
İtaliya təmsilçisi isə hazırda gənc oyunçu ilə yeni müqavilə üzrə danışıqları davam etdirdiyi üçün transfer qiyməti müəyyənləşdirməyib.
Qeyd edək ki, bu transferdə "topçular"ın əsas rəqibi "Real Madrid" klubudur.
Rəşad Rafiqoğlu, Bizim.Media
