"Real"ın gənc hücumçusu Endrikin icarə əsasında Fransanın "Lion" klubunda çıxış edəcəyi gözlənilir.
Bizim.Media xəbər verir ki, adıçəkilən klublar arasında Endrikin icarəsi ilə bağlı aparılan danışıqlar əsasında yeni şərtlər müəyyənləşib.
“The Athletic”in məlumatına görə, Madrid klubu gənc hücumçunun 2026-cı ilin iyununa qədər Fransaya icarəyə göndərilməsinə razılıq verib və müqavilədə transfer seçimi nəzərdə tutulmayıb.
Bildirirlir ki, klublar arasındakı razılaşmaya həm maliyyə öhdəlikləri, həm də futbolçunun oyun vaxtı ilə bağlı xüsusi maddələr daxil ediləcək. Madrid klubu Endrikin maaşının bir hissəsini öz üzərinə götürəcək.
Bundan başqa, müqaviləyə “Lion” üçün cərimə maddəsinin daxil edilməsi nəzərdə tutulub. Fransa klubu gənc hücumçunun müəyyən olunmuş sayda start heyətində oynamaması halında “Real”a kompensasiya ödəməli olacaq. Bu maddə Endrikin kifayət qədər oyun təcrübəsi qazanmasını təmin etmək məqsədi daşıyır.
Qeyd edək ki, Endrik cari mövsümdə “Real”ın heyətində cəmi bir oyun keçirib. O, “Valensiya” ilə matçın (4:0) 79-cu dəqiqəsində meydana daxil olub.
Bizim.Media






























































































