“Kəpəz” yeni baş məşqçi məsələsini həll edib.
Bizim.Media xəbər verir ki, komanda keçmiş baş məşqçisi Azər Bağırovla razılığa gəlib.
Məlumatı Bağırovun özü də təsdiqləyib.
O, Bizim.Media-ya bildirib ki, Gəncə klubunun rəhbərliyi ilə razılığa gəlib və yaxın günlərdə rəsmi müqavilə imzalanacaq:
“Bəli, məlumat doğrudur. “Kəpəz”ə qayıdıram. Artıq rəhbərliklə razılıq əldə etmişik”
Xatırladaq ki, bir müddət əvvəl istefaya göndərilmiş Adil Şükürovdan əvvəl “Kəpəz”in baş məşqçisi Azər Bağırov olmuşdu. Komandanı çətin vəziyyətdə Premyer Liqada saxlamasına baxmayaraq Gəncə klubundan ayrılmışdı
Rəşad Rafiqoğlu, Bizim.Media
