Xorvatiyanın paytaxtı Zaqrebdə dünya çempionatı davam edir.
Bizim.Media xəbər verir ki, üçüncü yarış günündə bir sərbəst güləşçimiz fəxri kürsüyə qalxıb.
Cəbrayıl Hacıyev (79 kq) təsəlliverici görüşdə yaponiyalı Ryunosuke Kamiyaya 5:3 hesabıyla qalib gəlib. Debütant bürünc medal uğrunda qarşılaşmada isə iranlı Mohammad Noxodilarimiyə (2:4) məğlub olaraq, dünya çempionatını 5-ci yerdə başa vurub.
Osman Nurmaqomedov (92 kq) isə bürünc medal uğrunda görüşdə gürcüstanlı Miriani Maysuradzeylə üz-üzə gəlib. Görüş boyunca üstün tərəf olan təmsilçimiz 5:1 hesablı qələbəylə dünya üçüncüsü olub. Bununla da güləşçimiz analoji yarışlarda 4-cü medalını qazanıb.
Beləliklə, millimizin cari mundialda qazandığı medalların sayı 4-ə çatıb.
Xatırladaq ki, ötən gün Giorgi Meşvildişvili (125 kq) gümüş, Nürəddin Novruzovla (61 kq) Arseniy Djioyev (86 kq) isə bürünc medala sahib çıxıb.
Bizim.Media
- A-
- A
- A+
İdman
00:54 / 16.09.2025
Dünya çempionatı: Güləşçimiz bürünc medal qazandı
Hazırda oxunan: Dünya çempionatı: Güləşçimiz bürünc medal qazandı
Hazırda oxunan: Dünya çempionatı: Güləşçimiz bürünc medal qazandı
270630
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
