Bundesliqa 2-də "Qreuther Fürth"də çıxış edən Noah Köniq "Kayzerslautern"lə oyunun 22-ci saniyəsində qırmızı vərəqə alaraq liqa tarixində ən erkən qırmızı vərəqə alan oyunçu olub.
Bizim.Media xarici mediaya istinadən xəbər verir ki, Bundesliqa 2-nin 5-ci həftəsində “Qreuther Fürth” və “Kayzerslautern” üz-üzə gəlib. Sportpark Ronhofdakı Tomas Sommer stadionunda keçirilən oyunda “Kayzerslautern” 3-0 hesabı ilə qalib gəlib.
“Kayzerslautern”in qollarını 33-cü dəqiqədə Naatan Skitta, 58 və 64-cü dəqiqələrdə İvan Prtajin vurub.
Qarşılaşmanın əvvəlində həlledici an baş verib. “Qreuther Fürth”ün müdafiəçisi Noah Köniq 22-ci saniyədə topu uzaqlaşdırmağa çalışarkən rəqibinə kobud davranıb. Hakim dərhal Köniqə qırmızı vərəqə göstərib.
22 yaşlı oyunçu 22-ci saniyədə aldığı bu qırmızı vərəqə ilə liqa tarixində ən erkən qırmızı vərəqə alan futbolçu olub.
Bizim.Media
