Türkiyə nəhəngləri "Real"ın oyunçularını HƏDƏFLƏDİLƏR

“Beşiktaş”ın yeni məşqçi heyəti “Real”ın mərkəz müdafiəçisi Raul Asensio ilə maraqlanır.

Bizim.Media xəbər verir ki, bu barədə AS nəşri məlumat yayıb.

Buna baxmayaraq futbolçunun İspaniya nəhəngini tərk etmək fikri yoxdur.

Bildirilir ki, digər türk klubu – “Fənərbaxça” isə “kral klubunun” başqa bir müdafiəçisini – David Alabanı heyətinə qatmaq niyyətindədir. “Real” rəhbərliyi avstriyalı oyunçunun mümkün transferinə mane olmayacaq. Səbəb kimi onun komandadakı ən yüksək maaş alan futbolçulardan biri olması
göstərilir.

Bundan əlavə, Madrid klubunda 33 yaşlı futbolçunun əvvəlki yüksək oyun səviyyəsini bərpa edə biləcəyinə dair şübhələr var. Lakin Alaba özü ən yaxşı formasına qayıtmaq üçün çox çalışmağa hazır olduğunu açıqlamışdı.

Bizim.Media