“Milan” və “Bayer” Viktor Bonifeysin icarəsi ilə bağlı şifahi razılıq əldə edib.
Bizim.Media xəbər verir ki, bu barədə insayder Fabrizio Romano məlumat yayıb.
Sövdələşməyə görə, İtaliya klubu nigeriyalı hücumçunu 5 milyon avroya icarəyə götürəcək, daha sonra isə 24 milyon avroya transfer hüququnu əldə edəcək.
Bildirilir ki, “Milan” Bonifeyslə 2030-cu ilə qədər müqavilə barəsində də razılığa gəlib. Yaxın günlərdə futbolçunun tibbi müayinədən keçəcəyi gözlənilir.
Qeyd edək ki, Bonifeys 2023-cü ilin yayından “Bayer”də çıxış edir. Onun leverkuzen klubu ilə hazırkı müqaviləsi 2028-ci ilin yayına qədər nəzərdə tutulub.
Bizim.Media
