Yay hazırlıq dövründə “Qarabağ” aparıcı futbolçularından birini itirə bilərmiş.
Bizim.Media-nın əldə etdiyi məlumata görə söhbət Kevin Medinadan gedir. Ötən mövsümün sonlarından əsas heyətdə yerini itirən kolumbiyalı müadaifəçini “Zirə” transfer etmək istəyib.
Qəsəbə təmsilçisinin baş məşqçisi Rəşad Sadıqov Medinanın Ağdam klubundan icarəyə götürülməsinə çalışıb. Lakin baş məşqçi Qurban Qurbanov Medinaya ehtiyacı olduğunu əsas gətirərək futbolçunun komandada qalmasını istəyib. Mərkəz müdafiəçisinin “Zirə”yə mümkün transferi məhz bu səbəbdən baş tutmayıb.
Qeyd edək ki, Kevin Medina 2020-ci ildən “Qarabağ”ın şərəfini qoruyur. O, 98 oyunda meydana çıxaraq rəqib qapılarından 2 top keçirib.
Rəşad Rafiqoğlu, Bizim.Media
