"İnter Mayami" futbolçusu Jordi Alba ilə yeni müqavilə imzalayıb.
Bizim.Media xəbər verir ki, bu barədə klubun mətbuat xidməti məlumat yayıb.
36 yaşlı cinah müdafiəçisi ilə imzalanan sözləşmə 2027-ci ilin MLS mövsümünün sonuna qədərdir. O, klubun rəsmi saytına verdiyi açıqlamada bildirib:
"Razılaşmanı uzatdığıma görə çox şadam, çünki rəqabətə davam etmək istəyim var. Eyni zamanda, bu klubda özümü evimdəki kimi hiss edirəm — hər oyunda azarkeşlərdən aldığım sevgi buna səbəb olur. Qazanmağa davam etmək istəyimiz var və ümid edirəm ki, mümkün qədər çox titul qazanacağıq".
Qeyd edək ki, Jordi Alba "İnter Mayami"yə 2023-cü ilin yayında qoşulub. Bu müddət ərzində o, bütün turnirlərdə 68 oyunda iştirak edib, 8 qol vurub və 20 qolun ötürməsini edib.
Bizim.Media
