Azərbaycan Region Liqasının yarımfinalçısı “Xankəndi” gələcəkdə ev oyunlarını hansı stadionda keçirmək istədiyini dəqiqləşdirib.
Bizim.Media xəbər verir ki, Region Liqasında çempionluğa əsas namizəd sayılan klub İkinci Liqaya yüksələcəyi təqdirdə klub rəhbərliyi Xankəndində oynamaq üçün icazə istəyəcək.
Klub rəsmiləri bu yöndə müəyyən işlər görməyə cəhd edəcək.
Xatırladaq ki, Xankəndi Şəhər Stadionunda artıq yenidənqurma işləri aparılır və arena sentyabra qədər hazır olacaq.
Rəşad Rafiqoğlu, Bizim.Media
