“Kəpəz” klubu yeni mövsümə yeni baş məşqçi ilə başlaya bilər.
Bizim.Media xəbər verir ki, rəhbərlik təcrübəli rumıniyalı mütəxəssis Mirçe Redniklə danışıqlar aparır.
Artıq tərəflər arasında ilkin razılaşmanın olduğu bildirlir. “Kəpəz”də işləmək naminə Rednik hazırkı klubu olan “Uta”nı tərk etməyə hazırdı.
Bununla belə hər şey Gəncə klubunun büdcəsindən asılı olacaq. Əgər büdcə artırılsa, Mirçe Rednik “Kəpəz”də işləməyə razılıq verəcək. Rumıniyalının Gəncə təmsilçisi ilə 3 illik müqavilə bağlayacağı gözlənilir.
Qeyd edək ki, “Kəpəz”in hazırkı baş məşqçisi Azər Bağırovdur.
Rəşad Rafiqoğlu, Bizim.Media
