Avroliqada ilin oyunçusu MƏLUM OLDU

“Panatinaikos”un müdafiəçisi Kendrik Nann bu mövsüm basketbol üzrə Avroliqanın müntəzəm mövsümünün Ən Dəyərli Oyunçusu (MVP) seçilib.

Bizim.Media xəbər verir ki, bu barədə “Eurohoops” məlumat yayıb.

Tezliklə bununla bağlı Avroliqanın rəsmi elanının veriləcəyi gözlənilir. Bu mövsüm Nann Avroliqanın adi mövsümünün 33 oyununda iştirak edib, orta hesabla 21,1 xal, 3,6 ribaund və 4,3 məhsuldar ötürmə ilə yadda qalıb. Kendrik iki xallıq atışlarda 57,3 faiz, üçlükdə 42,6 faiz və sərbəst atışlarda 86 faiz dəqiqlik nümayiş etdirib.

“Panatinaikos” 22 oyunda qalib gələrək müntəzəm çempionatı üçüncü pillədə başa vurub. Pley-offun ilk mərhələsində komanda “Anadolu Efes”lə qarşılaşacaq. İlk oyun sabah Bakı vaxtilə 22:30-da başlayacaq.

Rəşad Rafiqoğlu, Bizim.Media