Millimiz Estoniyaya UDUZDU

Bu gün Azərbaycan U-17 millisi Moldovada təşkil olunan UEFA İnkişaf Turnirində 3-cü oyununa çıxıb.

Bizim.Media xəbər verir ki, komandamız estoniyalı həmyaşıdları ilə qarşılaşıb.

Moldova Futbol Federasiyasının Texniki Mərkəzində keçirilən görüş Estoniya millisinin 2:1 hesablı qələbəsi ilə yekunlaşıb. Millimizin heyətində qolu 90-cı dəqiqədə Nicat Kərimov vurub.

Azərbaycan U-17 - Estoniya U-17 - 1:2

Qeyd edək ki, Azərbaycan millisi bunadək yarışda 2 matça çıxıb. Aqil Nəbiyevin komandası Moldovaya uduzub (0:1), Gürcüstana qalib gəlib (1:0).

Bizim.Media