Eks futbolist Əliyev Kiyevdə saxlanıldı - FOTO

Şənbə günü, aprelin 12-də Kiyevdə polis “Dinamo”unu keçmiş futbolçusu Aleksandr Əliyevi saxlayıb. O, yol hərəkəti qaydalarını pozaraq yol polisi ilə mübahisə edib.

Bizim.Media xəbər verir ki, bu barədə “RBK-Ukrayna” Kiyev Patrul Polisinin Telegram kanalına istinadən məlumat yayıb.

Hüquq-mühafizə orqanlarının açıqlamasına görə, hadisə Kiyevin Solomenski rayonunda baş verib. Müfəttişlər Çokolovski bulvarında patrul apararkən yol hərəkəti qaydalarını pozduğu üçün “Mercedes”in sürücüsünü saxlayıblar.

"Sürücü və sərnişin patrul əməkdaşları ilə əlaqə saxlayarkən nalayiq ifadələr işlədib və özlərini aqressiv aparıblar. Onlar polis əməkdaşlarının qanuni tələbinə cavab verməyiblər. Bundan əlavə, sürücüdə spirtli içkinin sərxoşluğunun açıq əlamətlərini aşkar etdik", - məlumatda deyilir.

Daha sonra həmin şəxs sərxoşluqla bağlı tibbi müayinədən keçməkdən qəti şəkildə imtina edib və sərnişinlə birlikdə ictimai asayişi pozmağa davam edib.

Nəticədə hər iki vətəndaş saxlanılaraq polis bölməsinə aparılıb.




Bizim.Media