“Qarabağ”ın sabiq legioneri karyerasını bərpa etdi

“Qarabağ”ın formasını geyinmiş Jakub Jezniçak futbolçu karyerasını bərpa edib.

Bizim.Media xəbər verir ki, polyak müdafiəçi ölkəsində çıxış edəcək. O, aşağı liqa təmsilçisi olan “Stal Krasnik” klubu ilə müqavilə imzalayıb. Dördüncü liqada çıxış edən komanda “Qarabağ”ın sabiq futbolçusu ilə müqaviləsi mövsümün sonuna qədər nəzərdə tutulub.

Həmin klub 4-cü liqada liderdir. Jezniçak bir müddət əvvəl futbolçu karyerasını başa vurmuş və özünü MMA-da sınamaq qərarına gəlmişdi.

Jezniçak 2017-2019-cu illərdə “Qarabağ”ın formasını geyinib. Bundan savayı isə o, “Vidzev”(Lodz), “Legiya”, “Visla”(Plok), “Kotviça” komandalarında oynayıb.

Rəşad Rafiqoğlu, Bizim.Media