"Sabah"ın müdafiəçisi Abdulla Rzayev yeni sezona yeni komandada başlamağa yaxındır.
Bizim.Media xəbər verir ki, müdafiəçi “Neftçi” və “Turan Tovuz”un transfer siyahısında yer alıb.
"Sabah"da oynamaq şansı tapmayan Rzayev üçün hər iki klub mübarizə aparır.
Vasili Berezutskinin əvəzedici heyətə göndərdiyi Abdullanın ölkə xaricinə yollanmaq ehtimalı da az deyil. Amma onun Premyer Liqada qalaraq, “Neftçi” və “Turan Tovuz” arasında seçim edə biləcəyi gözlənilir.
23 yaşlı futbolçunun “Sabah”la daha 2 illik müqaviləsi qüvvədədir.
Rəşad Rafiqoğlu, Bizim.Media
