"Ümid edirəm ki, “Qarabağ”a qalib gələcəyik” - FCSB-nin sahibi

Hazırda oxunan: "Ümid edirəm ki, “Qarabağ”a qalib gələcəyik” - FCSB-nin sahibi

230955

“Biz ən yaxşı heyətlə oynayacağıq. Vlad Çiriçeş mübaliğəsiz komandanın açar rolunu oynayır. O, Bakıda bir hissə oynayacaq".

Bizim.Media xəbər verir ki, bu sözləri Avropa Liqasının Liqa mərhələsində "Qarabağ"ın rəqibi olan FCSB-nın sahibi Cici Bekali deyib.

Rumıniya klubunun rəhbəri ölkəsinin "Fanatik" nəşrinə açıqlamasında "Qarabağ"la qarşıdan gələn oyunda komandasının qələbəsinə ümid etdiyini bildirib: "Çiriçeş UTA və “Mançester Yunayted”lə də bir, ÇFR-lə iki hissə meydanda olacaq. Bu, mənə çempionatda qalib olmaq üçün lazımdır.

Əsas olan da budur. Bakıda meydana çıxacaq heyətə güvənirəm. Ümid edirəm ki, qalib gələcəyik”.

Qeyd edək ki, yanvarın 23-də Tofiq Bəhramov adına Respublika stadionunda keçiriləcək “Qarabağ” - FCSB matçı saat 21:45-də başlayacaq. Avroliqada 6 turdan sonra FCSB 11 xalla 10-cu, “Qarabağ” isə 3 xalla 33-cü yerdədir.

Bizim.Media