Yüksək Liqa: “Azərreyl”dən asan QƏLƏBƏ

Bu gün kişi voleybolçular arasında Yüksək Liqada 2025-ci ilin ilk oyunları keçirilib. 

Bizim.Media xəbər verir ki, IV turun ilk günündə 2 matç baş tutub.

Hər iki görüş GİN-in Voleybol Mərkəzində təşkil olunub. Öncə “Azərreyl” çempionatın autsayderi MOİK-i qəbul edib. "Dəmiryolçular" çətinlik çəkmədən 3 xalı hesablarına yazıblar - 3:0.

Ardınca liderlər meydana çıxıblar. İtkisiz irəliləyən “Murov Az Terminal” və “Xilasedici” görüşündə də eyni hesab qeydə alınıb. Meydan sahibləri qalib gəliblər.

Yüksək Liqa (kişilər)

IV tur

7 yanvar

16:00. MOİK - “Azərreyl” - 0:3 (12:25, 10:25, 14:25)

GİN-in Voleybol Mərkəzi

18:00. “Murov Az Terminal” - “Xilasedici” - 3:0

GİN-in Voleybol Mərkəzi

Qeyd edək ki, tura sabah “Neftçi” - “Gənclər” matçı ilə yekun vurulacaq.

Rəşad Rafiqoğlu, Bizim.Media