"Neftçi" doğma meydanda "Kəpəz"i qəbul edəcək

Hazırda oxunan: "Neftçi" doğma meydanda "Kəpəz"i qəbul edəcək

225326

Bu gün futbol üzrə Misli Premyer Liqasının XVII turunda növbəti oyunlar keçiriləcək.

Bizim.Media xəbər verir ki, ikinci oyun günündə iki qarşılaşma olacaq.

İlk olaraq meydana “Zirə” və “Turan Tovuz” komandaları çıxacaqlar. “Zirə” İdman Kompleksində keçiriləcək görüş saat 16:00-da başlayacaq. Hazırda Bakı təmsilçisi turnir cədvəlində 26 xalla dördüncü, Tovuz klubu isə 30 xalla üçüncü sırada qərarlaşıb.

Günün son qarşılaşmasında isə "Neftçi" doğma meydanda "Kəpəz"i qəbul edəcək. “Neftçi Arena”da oynanılacaq matç saat 18:30-da start götürəcək. “Ağ-qaralar" turnir cədvəlində 13 xalla səkkizinci, "sarı-göylər" isə 10 xalla doqquzuncu yerdədir.

Qeyd edək ki, turun ötən gün keçirilmiş oyunlarında “Sabah” “Araz-Naxçıvan”a 1:0 hesabı ilə qalib gəlib. “Şamaxı” - “Səbail” görüşündə isə qapılara qol vurulmayıb.

Bizim.Media