2024-cü ilin ən yaxşı bombardirləri açıqlanıb.
Bizim.Media xəbər verir ki, İFFHS-in cədvəlində milli və klub səviyyəli bütün turnirlərdə ən çox qol vuranlar yer alıb.
"Qarabağ"ın futbolçusu Olavio Juninyo da cədvələ daxil edilib. 2024-cü ilin arxada qalan 7 ayında 19 qol vuran braziliyalı hücumçu dünyada 26-cıdır. O, Premyer Liqada 7, ölkə kubokunda 5, avrokuboklarda 7 dəfə fərqlənib.
Olavio yeddi ay ərzindəki qol sayında argentinalı Lionel Messini də qabaqlayıb. Cənubi amerikalı 17 qolla 48-cidir. İFFHS-in cədvəlində yer alan Lautaro Martines, Robert Levandovski, Lük de Yonq, Pyer-Emerik Obameyanq, Fil Foden kimi ulduzlar da daha aşağı sıralardadır.
Qeyd edək ki, siyahıya Braziliya millisinin və "Flamenqo"nun hücumçusu Pedro başçılıq edir. O, 28 qola imza atıb.
Rəşad Rafiqoğlu, Bizim.Media
- A-
- A
- A+
İdman
16:00 / 03.08.2024
“Qarabağ”ın hücumçusu Messini qabaqladı
Hazırda oxunan: “Qarabağ”ın hücumçusu Messini qabaqladı
Hazırda oxunan: “Qarabağ”ın hücumçusu Messini qabaqladı
204891
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
