“Sabah”ın Avrokubok matçının yeri DƏYİŞDİRİLDİ 

“Sabah”ın Konfrans Liqasının II Təsnifat mərhələsində İsrailin “Makkabi” (Hayfa) klubuna qarşı keçirəcəyi səfər oyununun yeri dəyişdirilib. 

Bizim.Media yerli mətbuata istinadən xəbər verir ki, matç əvvəldən nəzərdə tutulduğu kimi Macarıstanda deyil, Slovakiyada keçiriləcək. 

Debretsendəki arenada oyunun keçiriləcəyi saatda başqa tədbir olduğu üçün bu addım atılıb. İsraillilər “Sabah”dan iyulun 25-dəki ilk oyunun Bakıda baş tutmasını xahiş etsələr də, təmsilçimiz buna razı olmayıb. 

Qeyd edək ki, Bakıdakı cavab qarşılaşması avqustun 1-də oynanılacaq.

Rəşad Rafiqoğlu, Bizim.Media