Bosniya və Herseqovinanın paytaxtı Sarayevoda yeniyetmə boksçular arasında Avropa birinciliyinə start verilib.
Bizim.Media xəbər verir ki, Azərbaycan millisinin 2 idmançısı yarışa qələbə ilə başlayıb.
Kənan Aslanlı (63 kq) 1/16 final çərçivəsində Uilliam Murla (İngiltərə) qarşılaşıb. Döyüş 4:1 (29:27, 28*:28, 28*:28, 27:29, 28*:28) hesabı ilə boksçumuzun xeyrinə yekunlaşıb. Aslanlı ikinci görüşündə irlandiyalı Eduard Hartla üz-üzə gələcək.
Adil Zalov (66 kq) da adını 1/8 finala yazdırıb. O, startda Luka Mazanaşvilini (Gürcüstan) mübarizədən kənarlaşdırıb – 3:1 (27:29, 30:26, 29:27, 28:28, 29:27). Zalov da növbəti döyüşündə irlandiyalını sınağa çəkəcək. Onun rəqibi Con Maher olacaq. Hər 2 görüş iyunun 25-də baş tutacaq.
Qeyd edək ki, yarış iyunun 30-da başa çatacaq.
Rəşad Rafiqoğlu, Bizim.Media
- A-
- A
- A+
İdman
13:15 / 24.06.2024
Boksçularımız Avropa çempionatına qələbə ilə BAŞLADI
Hazırda oxunan: Boksçularımız Avropa çempionatına qələbə ilə BAŞLADI
Hazırda oxunan: Boksçularımız Avropa çempionatına qələbə ilə BAŞLADI
198757
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
