Şahmatçımız Avropa çempionu ola bilər: Ona yarım xal lazımdır - FOTO

Yunanıstanın Rodos adasında təşkil edilən qadın şahmatçılar arasında Avropa çempionatında doqquzuncu turun oyunları keçirilib.

Bizim.Media xəbər verir ki, hesabat turunda yarışın lideri Ülviyyə Fətəliyeva Rumıniya şahmatçısı İrina Bulmaqla heç-heçə oynayıb.

Digər şahmatçılar Günay Məmmədzadə Yuliya Osmakı (Ukrayna), Səbinə İbrahimova Mitra Hecazipuru (Fransa), Ləman Hacıyeva Marta Dakiçi (Serbiya), Ayan Allahverdiyeva isə Mariya-Anna Stefanidi (Yunanıstan) məğlub edib.
Təmsilçilərimizdən Xanım Balayeva, Gövhər Beydullayeva, Nərmin Abdinova 9-cu turu bərabərliklə başa vurublar, Gülnar Məmmədova isə məğlub olub.

Bu gün Avropa çempionatında son turun partiyaları oynanılacaq.

Doqquz turdan sonra aktivində 8 xalı olan Ü. Fətəliyeva turnir cədvəlinə başçılıq edir. Ən yaxın izləyicisini 1 xal qabaqlayan iti zəka sahibinə karyerasında ilk dəfə Avropa çempionu olmaq üçün yarım xal qazanmaq kifayət edəcək. Günay Məmmədzadə və Xanım Balacayeva müvafiq olaraq 5 və 9-cu yerlərdə qərarlaşıblar. Son turun nəticələrindən asılı olaraq, hər ikisi mükafatçılar sırasında yer ala bilər.










Bizim.Media