Rövnəq Abdullayev AFFA prezidentliyinə namizəd OLMAYACAQ 

Bu gün Gəncədə AFFA İcraiyyə Komitəsinin növbəti iclası keçirilib.

Bizim Media AFFA-ya istinadən xəbər verir ki, iclasda aşağıdakı qərarlar qəbul olunub:

1. AFFA-nın Növbəti Hesabat-Seçki Konfransı 2 aprel tarixinə təyin edilsin;

2. Müvafiq müraciətə əsasən, adları aşağıda göstərilmiş futbol veteranlarına AFFA-nın təqaüdü verilsin:

- İsmayıl Əliyev

- Esmiralda Ələkbərova (həkim)

- Qara Qarayev

- İqor Ponomaryov

- Vaqif Sadıqov

- Maşallah Əhmədov

Qeyd edək ki, “Kəpəz” Futbol Akedemiyasının tikintisilə bağlı İcraiyyə Komitəsinə hesabat təqdim edilib.
İclasın sonunda AFFA-nın prezidenti Rövnəq Abdullayev öz istəyi ilə aprelin 2-də keçiriləcək Hesabat-Seçki konfransında namizədiyini irəli sürməyəcəyini bildirib.

Rəşad Rafiqoğlu, Bizim.Media